[retour à un affichage normal]

Mazarinade n° B_17_9

Image de la page

Anonyme [1652 [?]], RESPONSE AV SEDITIEVX ESCRIT INTITVLÉ LETTRE DV BOVRGEOIS DES-INTERESSÉ. , français, latinRéférence RIM : M0_3385. Cote locale : B_17_9.

leuer en cette Ville est de grande expedition,
puis qu’on en a des-ia veu des effets qui doiuent
leuer le doute en tous les esprits ausquels il en
reste quelque scrupule, & qu’il y a beaucoup de
braues en cette ville, ausquels il ne manque que
l’esperance d’vne solde raisonnable pour en faire
de parfaits soldats & des gensdarmes, de montre
& d’effet. Ou nous esloignerons la guerre de
Paris, ou nous la ferons à ses portes. Le premier
nous deliure aussi tost de la guerre, & rend le cõmerce
libre, & le second la finit au premier iour,
par la facilité qu’il nous laisse de l’acheuer. En
quelque Prouinces où tombe le faix de la guerre,
si la fuitte de nos ennemis la recule de cette ville,
nos troupes y seront bien receues par l’inclination
que tout le monde a pour nostre party &
celles de nos aduersaires mal traittées pour la
haine qu’on porte au Mazarin, dont le nom est en
execration parmy les peuples.
 
Les Prouinces ont a pris de la guerre & de la paix,
de 1649, que Paris auoit de fort bonnes intentiõs
mais qu’il fut trahi par ses chefs. Elles esperent
qu’il aura profité de cette espreuue pour asseurer
mieux son-repos à l’aduenir. On ne peut dire au
reste, qu’il ne se remué que pour luy mesme, puis
que le bon-heur des Prouinces fait le sien, si
bien que lors qu’il se remuë pour luy mesme, il
se remuë pour toute la France. Si ce qui suit auoit