[retour à un affichage normal]

Accueil > recherche > Affichage d'une occurrence en contexte

Mazarinade n° B_17_9

Image de la page

Anonyme [1652 [?]], RESPONSE AV SEDITIEVX ESCRIT INTITVLÉ LETTRE DV BOVRGEOIS DES-INTERESSÉ. , français, latinRéférence RIM : M0_3385. Cote locale : B_17_9.


de Mazarin, qui d’ailleurs se temoignoit
d’entrer en cette ville à quelque prix que ce fust,
s’assurant que comme il se rendroit inseparable
de la personne du Roy, tout feroit bien-tost
ioug à son authorité, & qu’il en chasseroit les Princes,
ou les reduiroit le mesme iour. Ce bruit espandu
parmy la ville, émeut, outre les interessez,
tous ceux qui sont d’ordinaire amis du changement,
& tous ceux a qui le ioug de la misere
presente sembloit plus pesant que la plus cruelle
tyrannie de Mazarin, sans penser que c’estoit
le moindre de ses effects ; si bien que pour
empescher que ce mal qui n’estoit qu’en la superficie,
ne passast enfin iusqu’au cœur, ontrouua
bon d’y apporter le remede de tous, qui parut
le plus puissant, qui fut l’ascendant que le
merite du Duc de Beaufort, & les frequents
temoignages de son amour & de sa bonté rendus
aux peuples, luy donnent sur les cœurs
de tous les habitans de Paris. Ce Duc aussi-tost
fit éclater le zele nom pareil qu’il a pour le party
de la iustice, la necessité luy seruit de loy dans
cette occasion, il fut à la Place Royalle, où le iour
precedent il auoit conuié le peuple de se trouuer,
& les plus iudicieux sçauent parfaitemẽt qu’il
forma moins ce dessein pour exciter vne sedition,
que pour en arrester vne tres grãde qui se preparoit.
Les plus mutins du peuple, animez contre les