[retour à un affichage normal]

Accueil > recherche > Affichage d'une occurrence en contexte

Mazarinade n° B_17_9

Image de la page

Anonyme [1652 [?]], RESPONSE AV SEDITIEVX ESCRIT INTITVLÉ LETTRE DV BOVRGEOIS DES-INTERESSÉ. , français, latinRéférence RIM : M0_3385. Cote locale : B_17_9.


longueurs de Mrs du Parlemẽt, en accusoient vne
grande partie d’estre Mazarins, & les menassoient
du fer & du feu ; leurs cris de sedition s’estoient
fait ouïr autour du Palais, au temps d’vne
grande assemblée. Le Duc sorty pour appaiser ce
desordre, leur donna ce rendez vous de la Place
Royalle, auquel il ne manqua de se trouuer le lendemain.
Là les ayans trouuez encor plus irritez
que le iour precedent, il s’efforça de leur persuader
que Messieurs du Parlement auoient de tres-bonnes
intentions pour le bien du peuple, que
leurs bons effets n’estoient retardez que par quelques
obstacles que la Cour mettoit à toutes leurs
deliberations ; mais que leur zele pour le salut du
public dissiperoit bien-tost tous ces ombrages, &
par consequent qu’on auoit suiet d’en bien esperer ;
qu’il engageoit sa parolle à toute l’assistance,
qu’elle en receuroit toute sorte de satisfaction :
Mais que si contre son esperance il en arriuoit autrement,
il leur donneroit luy mesme vne liste
des Mazarins & commenceroit auec eux le pillage
de leurs maiss. Qu’au reste il les aduertissoit du
dessein tres dangereux que Mazarin auoit fait de
venir mettre Paris à sac, & de changer les voix
d’accommodement & de paix en des cris de terreur,
de guerre, & de massacre ; Que par vn nouuel
attentat à la liberté des Princes ses alliez, des plus
gens de bien du Parlement, & des riches bourgeois
qui auoient tesmoigné quelque zele pour