[retour à un affichage normal]

Accueil > recherche > Affichage d'une occurrence en contexte

Mazarinade n° C_10_16

Image de la page

Anonyme [1649], SVITE DV SOLDAT BORDELOIS, CONTENANT LES PARTICVLARITEZ DE CE qui s’est passé en la Bataille deuant la ville de Libourne en Gascongne : Entre l’armée du Parlement de Bordeaux, & les troupes de Monsieur le Duc Despernon Gouuerneur de la Prouince. Ensemble le nombré des morts & blessez, de part & d’autre. , françaisRéférence RIM : M0_3677. Cote locale : C_10_16.


propres forces, apres vn exemple si lasche & extraordinaire.
 
Le Parlement pour se tenir en garde, a ordonné
la leuée de 3. Regimens soudoyez : Sçauoir la remise
de celuy dudit Parlement, vn second sous
Monsieur le Marquis de Luzignan qui a presté le
serment de fidelité, le troisiesme sous Monsieur de
Chamberet fils. On parle d’en faire vn quatriesme :
car on ne se fie plus qu’aux soudoyez, ce pourra
estre celuy de la Bourgeoisie, & pour les faire subsister
on fait vn fonds de cinq cens mil liures, dont
on emprunte cent mil escus pour le payement desquels
le Parlement s’oblige coniointement auec
les Bourgeois.
Monsieur l’Archeuesque de Bordeaux, les Iurats
de la Ville Aduocats, Bourgeois, & autres
des corps inferieurs au Parlement furent trouuer
Monsieur d’Espernon pour luy demander la Paix,
qui les traicta assez courtoisement, leur dit qu’il
falloit mettre basles armes, abbatre les barricades
rendre le Chasteau du Ha, & qu’apres cela il verroit
ce qu’il auroit à faire. Leur dit encore qu’il
n’auoit iamais donné parole qu’il n’eust tenuë que
pour ce qui est de la Citadelle de Libourne, qu’il
n’auoit point promis de faire surseoir la construction,
Et Monsieur l’Archeuesque s’estant tourné
vers Monsieur d’Argenson qui estoit là present, &
qui l’auoit promise, & signée, ledit Sieur d’Argençon