[retour à un affichage normal]

Accueil > recherche > Affichage d'une occurrence en contexte

Mazarinade n° C_1_40_09

Image de la page

Anonyme [1649], SVITTE ET NEVFIESME ARRIVÉE DV COVRIER FRANÇOIS, APPORTANT TOVTES LES Nouvelles de ce qui s’est passé depuis sa huictiéme arriuée iusqu’à present, , françaisRéférence RIM : M0_830. Cote locale : C_1_40_09.


Generaux n’ont pas seulement empesché, mais encores repoussé lesdites
troupes, lesquelles se retirérent sans auoir pû faire aucun dommage
audit Pont, dequoy irritées, allerent iniustement se vanger sur
les prochains villages par où elles firent leur retraite.
 
Le Vendredy douziesme, Messieurs les Deputez qui estoient allez à
Ruël pour la Conference de la paix, apres auoir arresté & signé les articles
d’icelle, arriuerent à Paris enuiron les quatre heures du soir.
Dés ce iour tous les passages des euuirons de Paris ont esté ouuerts,
& a esté libre à toutes personnes de dehors, d’y venir & y sejourner ;
comme à ceux de la Ville, d’aller ou bon leur a semblé, sans qu’aucuns
actes d’hostilité ayent plus esté commis par les gens de guerre des deux
armées.
Et en suitte sont arriuez à Paris par les riuieres de Seine & Marne,
plusieurs grands batteaux chargez de bleds & farines, qui ont esté
deschargez à l’Arsenac, & depuis chariez aux Halles, ou l’on les distribuë
iournellement aux personnes qui en veulent acheter.
Le lendemain Samedy treiziesme le Parlement estant assemblé, sur
ce qu’il fut representé, que Messieurs nos Generaux n’ayans point deputé
de leur part, pour les pretentions qu’ils pourroient auoir, n’estoiẽt
compris qu’en general és articles accordez à la Conference de Ruël, il
fut deliberé qu’auant que faire ouuerture & lecture d’iceux, Messieurs
les Deputez retourneroient vers leurs Majestez, pour traicter des interests
desdits sieurs, ensemble de ceux de Monsieur le Duc de Longueuille,
du Parlement de Roüen, & generalement de tous les interessez
en cette cause, de quelque qualité & condition qu’ils soient, & que le
tout seroit compris par vne seule Declaration.
Ce iour on a eu aduis que le Mareschal du Blessis-Praslin, ayant tiré
des garnisons qui estoient à S. Denis, Mont l’hery, Chastres & autres
lieux, le Regiment de Persan & d’autres troupes, auoit fait vn gros
d’enuiron trois mille hommes, auec lequel il marche vers Damp-Martin
en Goille, sur l’aduis que l’on a eu à S. Germain, que parties des
troupes de l’Archi-Duc Leopold s’auançoient entre les deux riuieres
du costé de Han.
Le Dimanche quatorziesme au matin, comme mesdits sieurs les Deputez
se disposoient à partir, a esté apporté vne Lettre de cachet de la
part du Roy, la substance de laquelle estoit, qu’auparauant que d’entendre
lesdits deputez, sur le fait de mesdits sieurs les Generaux, qu’il
fust procedé à la verification des articles accordez à ladite Conference ;
Surquoy le Parlement fut assemblé, & resolu que le lendemain lecture
seroit faite desdits articles, & deliberé pour sçauoir si l’on procederoit
à ladite verification.
De ce iour il y a eu cessation d’armes de nostre armée, & de celle du
party contraire, en sorte qu’aucunes attaques ny entreprises n’ont esté
faites de part ny d’autre, en l’attente que l’on a d’vne bõne & seure pacification