[retour à un affichage normal]

Mazarinade n° C_1_40_04

Image de la page

Anonyme [1649], SVITTE ET QVATRIEME ARRIVÉE DV COVRIER FRANÇOIS, APPORTANT TOVTES LES Nouuelles de ce qui s’est passé depuis sa troisiéme arriuée iusques à present. , françaisRéférence RIM : M0_830. Cote locale : C_1_40_04.

SVITTE
ET QVATRIESME ARRIVÉE
DV COVRIER FRANCOIS,
Apportant toutes les Nouuelles de ce qui s’est
passé depuis sa troisiéme arriuée iusques
à present.
C’ESTOIT beaucoup à Nosseigneurs de la Cour da
Parlement, d’auoir si promptement & si prudemment
empesché les desordres qui pouuoient suruenir dans la
Ville parmy vne si grande multitude de Peuple, par le
défaut ou rareté des viures, & d’auoir par ce moyen
renuersé le proiect que nostre Ennemy tenoit le plus
certain de nostre ruine : Mais comme sa tyrannie ne s’estendoit pas seulement
sur cette Ville, ains encores sur tout le Royaume, cela les a aussi
obligé d’enuoyer Lettres circulaires aux Prouinces, l’effect desquelles,
du moins de celles dont on a receu response, a esté par vne parfaite vnion
& intelligence auec la Cour, ainsi qu’il sera dit cy apres.
Nos Ennemis sçachans qu’il nous arriue tous les iours de la Prouince
de Brie quantité de bleds, farines, bestiaux, & autres prouisions ; comme
encores ce iour’d’huy cinquiéme de Feurier, s’estans voulu saisir de Brie-Comte
Robert, qui a refusé les Garnisons que le Cardinal Mazarin y
auoit enuoyées, à l’essect d’empécher lesdites prouisions n’y ayans pû paruenir,
ont tourné leurs Troupes contre le Chasteau de Lesigny qui en est
proche, & s’y estans presentez (ledit Cardinal y pretendant droict comme
ayant appartenu au Marquis d’Ancre son Predecesseur en sa tyrannie)
en ont esté vaillamment repoussez par les Habitans de ce lieu, auec l’assistance
de quelques Troupes de la Garnison dudit Brie-Comte-Robert,
en sorte qu’ils s’en sont aussi honteusement retirez, qu’ils auoient temerairement
attaqué cette Place.