Mazarinade n° C_1_40_11
Image de la page
Anonyme [1649], SVITTE ET VNZIESME ARRIVÉE DV COVRIER FRANÇOIS, APPORTANT TOVTES LES Nouvelles de ce qui s’est passé depuis sa dixiéme arriuée iusqu’à present. , français, latinRéférence RIM : M0_830. Cote locale : C_1_40_11.
que le sieur de Chamboy vn de ses Lieutenans, auec des troupes de
gens de pied & de cheual, estoit party de Lizieux pour empescher les
leuées que s’efforce de faire en ces quartiers le Baron de Maré du party
contraire, & que ledit sieur Duc auoit enuoyé d’autres troupes pour
assieger la ville de Har-Fleur, ce qui auoit esté fait le dix-septiesme de
ce mois, par le sieur de Bois-le Febure, qui le vingtiesme ensuiuant
l’auroit fait sommer de se rendre : Les habitans sçachans que si cette
place n’estoit secouruë par la garnison du Havre, du Gouuernement duquel
elle dépend, ils ne pouuoient pas soustenir ce siege, pour lequel ledit
sieur de Longueville auoit enuoyé deux mil hommes en donnerent
aduis au Gouuerneur, qui se mit en deuoir de la secourir, y ayant enuoyé
à cette fin deux cens cinquante hommes, qu’il auoit tirez de sa Citadelle ;
lesquels estans en chemin, ayans descouuert de la Caualerie, l’espouuente
les ayant surpris, ils se retirerent en tres-grand desordre iusques
au Havre dont ils estoient partis, & où ils n’arriuerent qu’à dix
heures du soir, encores qu’il n’y ayt pas vne demie lieue d’vne des places
à l’autre, & qu’ils fussent partis de grand matin. Le soir du mesme iour
vingtiesme de ce mois, la garnison qui estoit dans ladite ville de Har-Fleur
au nombre de soixante soldats, outre les officiers, se rendit à discretion,
& lesdits soldats furent menez au Chasteau de Tancaruille, &
leurs officiers à Roüen. Apres la reddition de cette place, vne partie
des troupes qui l’assiegeoient furent au Chasteau du sieur Fontaine Martel
du party contraire, lequel ils prirent aussi, & en sirent emmener cinq
pieces de Canon, qui ont esté conduites à Roüen.
Le Ieudy vingt-cinquiesme, Feste de l’Annonciation de la Vierge, le
Parlement fut extraordinairement assemblé, auec Monsieur le Prince
de Conty, & Messieurs nos Generaux, sur l’arriuée d’vn Courier de
saint Germain en Laye, qui auoit esté enuoyé afin de nouuelle surceance
d’armes, pour la continuation de la Conference qui se tient à saint Germain,
la precedente finissant ce mesme iour ; & ayant esté deliberé sur ce
fuiet, fut accordé vne nouuelle surceance iusques à Lundy prochain inclusiuement,
& arresté que les Deputez seroient aduertis & priez de la
part de la Compagnie, de terminer cette Conference dans lesdits quatre
iours.
Le Vendredy 26. sur la remonstrãce faite par les Colonels, Capitaines &
officiers des Cõpagnies des Bourgeois de Paris, les Preuost des Marchãds
& Escheuins ont fait vne Ordonnance, portant inionction aux Chefs
& Officiers des Compagnies, de continuer lesdites Gardes tant de iour
que de nuict, & à tous les Bourgeois & Habitans de ladite Ville, d’aller
soigneusement à ladite Garde, & obeïr à leurs Officiers suiuant les reglemens
faits sur ce suiet ; auec defenses de sortir ny des-emparer de ladite
Garde, sur les peines portées par ladite Ordonnance.
Le mesme iour on a eu nouuelles, que les habitans de la Ferté sur
louarre, auoient refusé la garnison que le Cardinal Mazariny auoit enuoyée,
Image de la page