[retour à un affichage normal]

Accueil > recherche > Affichage d'une occurrence en contexte

Mazarinade n° B_7_11

Image de la page

Bourbon-Condé, Louis II de (prince de Condé) [signé] [1651], LETTRE DE MONSEIGNEVR LE PRINCE ESCRITE A TOVS LES PARLEMENS DE FRANCE. , françaisRéférence RIM : M0_2009. Cote locale : B_7_11.


liberté & la seureté de nostre personne nous a
semble beaucoup plus exposée, des lors que nous
auons esté obligez de leurs faire connoistre que
nous ne pouuions iamais consentir au retour de
leurs Maistre, & c’est ce qui les a oblige de renouueller
leurs soins affin de nous nuire ; en
effect peu de iours auparauant nostre retraitte,
nous auons esté aduertis de plusieurs endroits
d’vne entreprise sur nostre personne, qu’ils
auoient resolu de faire reussir auparauant que
nous allassions prendre possession de nostre
Gouuernement de Guyenne, en ce mesme temps
nous en informasmes S. A. R qui depuis nostre
départ a eu la bonté d’en rendre tesmoignage à
Messieurs du Parlement de Paris. La passion que
nous auons de seruir l’Estat, & l’obligation d’assister
aux Conseils du Roy, nous auroit fait negliger
les aduis qu’on nous donnoit des mauuais
desseins du Cardinal Mazarin & de ses creatures,
si l’on ne nous eust asseuré qu’ils les vouloient
executer la nuict mesme que nous nous sommes
retirez de la Cour, que pour cét effect les soldats
du Regiment des Gardes auoient ordre de s’assembler
sous leurs Drappeaux, & que l’on en
auoit veu plusieurs trouppes en diuers endroits,
ces circonstances si particulieres nous obligerent
de nous en informer, & en effect ceux que