[retour à un affichage normal]

Accueil > recherche > Affichage d'une occurrence en contexte

Mazarinade n° E_1_124

Image de la page

D. B. [signé] / Cyrano de Bergerac, Savinien de [?] [1649], LE CONSEILLER FIDELE. , françaisRéférence RIM : M0_764. Cote locale : E_1_124.


ont voulu encherir sur la charge des bourreaux, &
rendre muets ceux de qui les plaïes pouuoient estre
autant de bouches sanglantes. Dans cette loy dont
ils ont fait vne necessité toute barbare, quelques
vns d’entre nous s’en sont fait vne du respect & du
silence ; ils ont receu l’arrest de leur mort, ou la
nouuelle de leur perte sans ietter mesme vn soupir,
& l’on eut dit qu’ils sortoient du monde auec aussi
peu de trouble, que quand la nature les y auoit fait
entrer. Il est vray que quelques autres ont treuué
lasche vne soumission si aueugle, qu’ils n’ont peu
se persuader que la tyrannie deut estouffer tous les
sentimens de la Religion & de la nature, & qu’ils
ont creu que la iustice ne pouuoit refuser d’entendre
les plaintes de l’innocence persecutée, sans
perdre son nom & son caractere, puis que c’est là
son premier employ, & que Dieu deffend esgallement
à tous les luges ce qu’il deffendit à Moyse,
d’estre iniuste dans ses Iugemens, & de s’arrester
en telle rencontre à la grandeur ou à la bassesse.
Dans ce sentiment genereux, ils ont imité ces Cygnes
qui ne commencent à chanter que quand ils
sont prests de mourir au rapport des Poëtes & de
Platon mesme, & c’est ainsi qu’ils ont fait vn Concert
de leur murmure à deux pas de leur tombeau,
& qu’ils ont ouuert la bouche quand la mort estoit
preste de la fermer. C’est dans vne desolation qui
n’est pas plus bornée que ce grand Estat, & qui en