[retour à un affichage normal]

Accueil > recherche > Affichage d'une occurrence en contexte

Mazarinade n° A_7_52

Image de la page

Du Pelletier, Pierre [1649], LE TRIOMPHE DE LA VERITE SANS MASQVE. Par le SR. DVPELLETIER. , françaisRéférence RIM : M0_3878. Cote locale : A_7_52.


& artificielles. Au lieu de declamer auec les
autres, & de mesler ma voix parmy ceux qui iniurient,
ie veux employer la mienne à rendre graces
/> à Dieu, à louer mon Roy, & conduitte merueilleuse
du plus auguste de tous les Parlemens, c’est
ce que ie me puis vanter d’auoir desia fait auec
quelque sorte de succez, & d’auoir acquis par vne
action, ie diray si sainte & si religieuse, la reputation
qui est deue aux Panegyristes de la vertu &
des Heros. Ie ne me lasseray iamais d’offrir des encens
aux vertueux, & de couronner les hauts faits
de nos Anges tutelaires, & de nos Dieux domestiques,
on pourra dire qu’il en est de moy comme
de ceux dont vn bel esprit de nos iours a dit que
ceux mesme qui suiuent les vices estiment heureux
ceux qui ont embrassé la vertu, & qu’ils ne
les regardent iamais qu’ils ne sentent en eux vn
reproche, & vne secrette accusation. Au moins
ie diray hautement que ie ne fus iamais du nombre
de ceux qui esleuent des autels aux perfides,
que ie ne me connois point à faire des Apologies
pour les Nerons, & pour les Heliogabales. Ce sõt
des laschetez honteuses quãt la flatterie va si auãt
qu’elle met au rang des choses sainctes celles qui