[retour à un affichage normal]

Mazarinade n° B_18_35

Image de la page

Dubosc-Montandré, Claude [?] [1650 [?]], LE TOMBEAV DV SENS COMMVM OV LE RENVERSEMENT DES IDEES DE TOVS les Sages. I. Iustifiant la detention des Princes. II. Prouuant la necessité du retour de Mazarin. III. Iustifiant les maluersations de ce Ministre. IV. Faisant voir que la Reine a contribué plus que tout autre à la perte de ce Ministre. V. Prouuant la necessité du restablissement des subsides. VI. Destruisant le rang pretendu de Ministre d’Estat. VII. Et bastissant la religion sur les deux scandales qui la destruisent. , françaisRéférence RIM : M0_3784. Cote locale : B_18_35.

En effet, cette necessité que Mazarin soit sacrifié
à la haine publique, est si indispensable,
que le Roy ne sçauroit s’en deffendre, s’il veut
satisfaire aux manes de tant de pauures subiets tyrannisez,
s’il veut se remertre dans le cœur de ses
peuples, & s’il veut oster le preiugé d’vne semblable
tyrannie, à ceux qui pourroient estre les successeurs
de ce monstre dans le Ministere d’Estat :
Et pour ceste raison, apres que Mazarin sera reuenu,
le Roy trouuera cinq cens Vitris, & vn million
de Bourgeois, qui dechifreront ce Romain
en Marquis d’Ancre, si toutesfois l’impatience du
peuple ne se precipite pas pour en haster l’execution,
auant mesme que le Roy l’ait ordonné.
III. Si la desolation des Estats est ordinairement
l’effet infaillible du mauuais gouuernemẽt
de leurs Ministres, i’auray bien de la peine à prouuer
que le mauuais gouuernement du Mazarin a
esté tres aduantageux à la France ; ou plustost ie
dis, que si le mauuais gouuernement des Ministres
est la cause necessaire des calamitez publiques,
ie ne pourray prouuer que fort difficilement
que l’administration du Mazarin ait peu produire
vn effet contraire à celle de tous les autres : Il faut
ueantmoins que ie le fasse, puis que i’en ay entrepris
le dessein, & que ie me serue pour premiere
preuue de l’authorité de la saincte Escriture, qui