[retour à un affichage normal]

Mazarinade n° B_17_14

Image de la page

Dubosc-Montandré, Claude [?] [1652 [?]], L’ADVOCAT GENERAL, SOVSTENANT LA CAVSE DE TOVS les Grands de l’Estat, outrageusement offencez dans le Libelle intitulé, LA VERITÉ TOVTE NVE, DANS LAQVELLE L’AVTHEVR Insolent, choque, I. L’honneur de la Reyne. II. La Reputation de Son Altesse Royalle. III. La gloire de Monseigneur le Prince, de M. de Nemours, & de M. de la Rochefoucaut. IIII. La Iustice & l’integrité du Parlement. V. La generosité & la naissance de M. de Beaufort. VI. Et la vie irreprochable de M. de Broussel. , françaisRéférence RIM : M0_555. Cote locale : B_17_14.

Quoy, si le Roy vouloit donc nous rauir la vie
au gré de sa passion, il faudroit luy tendre paisiblement
le col pour nous laisser esgorger ? s’il
vouloit nous traiter comme des forçats de Galere
pour le repaistre de nos larmes, nous serions
obligez de renoncer pour iamais à la douceur de
la vie ? s’il vouloit violer toutes nos vierges, nous
serions obligez de luy en prostituer honteusement
l’honneur ? s’il vouloit nous reduire à la
b/> mendicité pour ietter toute l’abondance dans les
maisons de ses fauoris, nous n’aurions point de
droit de nous y opposer que par nos impatiences.
Iniuste pretention, qui de grade les Roys, puis
qu’elle leur oste le nom de pere, & ne leur laisse
que celuy de Tyran : detestable authorité, qui ne
se bastit que des debris de la iustice : honteuse
souueraineté qui ne desaltere sa soif que du sang
de ses enfans, & qui ne se nourrit que de la substance
des pauures.
Vouloir restablir le C. Mazarin, c’est vouloir
nous imposer pour la seconde fois, le ioug du
plus insuportable Tyran du monde ; c’est estre alteré
d’vn peu de sang qui nous reste ; pour nous
faire tomber dans vne entiere pasmoison ; c’est
estre affamé du peu de pain qui nous fait encor
trainer vne vie languissante ; c’est ne pouuoir pas
souffrir que nous viuions iamais en repos ; c’est