[retour à un affichage normal]

Mazarinade n° B_17_14

Image de la page

Dubosc-Montandré, Claude [?] [1652 [?]], L’ADVOCAT GENERAL, SOVSTENANT LA CAVSE DE TOVS les Grands de l’Estat, outrageusement offencez dans le Libelle intitulé, LA VERITÉ TOVTE NVE, DANS LAQVELLE L’AVTHEVR Insolent, choque, I. L’honneur de la Reyne. II. La Reputation de Son Altesse Royalle. III. La gloire de Monseigneur le Prince, de M. de Nemours, & de M. de la Rochefoucaut. IIII. La Iustice & l’integrité du Parlement. V. La generosité & la naissance de M. de Beaufort. VI. Et la vie irreprochable de M. de Broussel. , françaisRéférence RIM : M0_555. Cote locale : B_17_14.

de cette infame protection que les interests
de son fils luy sont beaucoup moins considerables
que ceux de son fauory, & qu’elle ne seroit
pas si fachée de la chute du Trône que de la ruine
du Mazarin ; tesmoin cet effroyable discours que
les ialoux de nostre gloire luy ont souuent ouy repeter
auec des témoignages de sa passion, qu’apres
auoir ruiné la France, s’il n’y restoit plus de pain,
elle auroit vn frere qui seroit assez puissant pour
luy en donner, & qu’elle verroit enfin ou le restablissement
de Mazarin auec Souueraineté, ou la
derniere goute de nostre sang.
 
Sommes nous François ? auons-nous degeneré
de cette vigueur heroïque qui faisoit triompher
nos ancestres de tous leurs ennemys ? leur sang
a t’il coulé iusque dans nos veines ? faisons le
maintenant paroistre dans cette occasion ? secoüons
hardiment le ioug, qu’on veut nous imposer :
mourons plustost dans la gloire d’auoir
bien deffendu nostre liberté ; que sous les rigueurs
insupportables de la tirannie qu’on nous prepare :
Si le Roy veut que nous le respections comme
nostre pere qu’il nous cherisse comme ses enfans :
s’il pretend que nous deuons obeyr à ses ordres,
nous pretendons en reuanche qu’il nous les donne
auec iustice : s’il veut exiger de nos respects vne
obeissance aueugle, qu’il ne nous oblige pas d’ouurir