[retour à un affichage normal]

Mazarinade n° B_17_28

Image de la page

Dubosc-Montandré, Claude [?] [1652], L’ESPRIT DE LA VERITÉ Representant nuëment la Puissance & l’Authorité du Roy. Dedié à Son Altesse Royale. , françaisRéférence RIM : M0_1283. Cote locale : B_17_28.

des vrais imitateurs de nos Capets en cette troisiesme
qui ont vescu & sont decedez en cette dignité par la
multitude des Peuples de France, qui les ont reconnu dignes
Administrateurs de cet Empire. Mais combien
auons nous veu de Rois, qui auroient encouru la honte
d’vn petit nombre de peuple, s’ils ne l’auoient trouué
grand par la valeur & prudence de leurs Deuanciers ?
 
Si la Monarchie n’auoit esté maintenuë par autre main,
que par celles de plusieurs de nos Rois, desia l’Estat
auroit esté bouluersé de fond en comble tousiours en
grabuges par les horribles desordres, qui se sont rencontrés
en la Cour des Rois mesme & des Princes.
Or cette main qui a tousiours soustenu l’Estat de Frãce
est celle du Tout puissant qui ayant donné le commencement
& le progrés à la Republique Françoise soubs
l’authorité de nos Rois, la conduit au bien & à la tranquillité
des peuples si on le suit, & le releue quand il est
tombé, où esbranlé par la diuision. Autrement les horribles
& insuportables calamitez que les peuples ont
souffert & souffrent, les auroient iustement emportés
à rechercher la liberté en secouant le joug, que les plus
obeïssantes nations du monde n’auroient peu supporter.
Comment donc ?
Nous auons remarqué au commencement qu’il faut
Philosopher du Corps d’Estat comme du Corps Humain,
& qu’il est composé de plusieurs parties animées
par vne mesme ame comme vn Corps d’Estat par vn
mesme esprit sous mesmes loix, & que comme l’Ame