[retour à un affichage normal]

Mazarinade n° B_16_64

Image de la page

Gondi, Jean-François Paul / cardinal de Retz [faux] [1652], HARANGVE FAITE AV ROY PAR MONSEIGNEVR LE CARDINAL DE RETZ, En presence de Monseigneur le Nonce du Pape, assisté de Messieurs du Clergé, pour la Paix generale. Faite à Compiegne le onziesme Septembre 1652. , françaisRéférence RIM : M0_1594. Cote locale : B_16_64.

qu’elle a tousiours ardemment desirée dans
son Enclos : mais à l’Estranger, qui n’aspiroit
qu’à se rassasier du sang de ses plus notables
& plus fideles & constans Bourgeois, à deffendre
sa liberté, & tout ensemble la gloire de Vostre
Majesté.
 
Quoy vous tirez plus de subsides de Paris, que
de plusieurs Prouinces de France, qu’elle a tousiours
payé & paye librement, & on vous veut
faire croire qu’elle est rebelle, & qu’il la faut
saccager ?
Ce vous doit estre plustost suiet d’admiration,
si on vous le faisoit entendre, comme il est à
tout le monde, qu’vne Ville si puissante se soit
laissé charger de tant de tailles & imposts pour
les entrées de toute sorte de danrées, voir mesme
sur ce qui est necessaire pour sustanter la
vie du peuple.
Enfin on s’est arresté sur vne formalité, qu’il
n’est point raisonnable que le Roy ayt le demanty.
Mais y a il gens assés temeraires d’auancer
telle proposition, comme si les Princes les
Parlements, & la Ville de Paris cherchoient
cette gloire, ou plustost cette ignomine de vouloir
que leur Seigneur & leur Roy receut vn
dementy ? Le valet qui decoit son Maistre, & qui
luy fait commettre quelque iniustice, le Maistre
aura-il le dementy ou le valet, quand le
Maistre quittera la poursuite de la mauuaise cause