[retour à un affichage normal]

Mazarinade n° B_16_64

Image de la page

Gondi, Jean-François Paul / cardinal de Retz [faux] [1652], HARANGVE FAITE AV ROY PAR MONSEIGNEVR LE CARDINAL DE RETZ, En presence de Monseigneur le Nonce du Pape, assisté de Messieurs du Clergé, pour la Paix generale. Faite à Compiegne le onziesme Septembre 1652. , françaisRéférence RIM : M0_1594. Cote locale : B_16_64.

Certainement les corps douez de qualitez
entierement contraires, ne produiront iamais
aucune tierce substance, si leurs qualitez ne
sont rompues & reduites à certains degrés de
temperamment.
Ainsi en est il des hommes qui composent
vne Republicque, s’ils se veulent roidir sans rien
ceder de leurs interests pour le bien public
qu’ils doiuent preferer, puis qu’en le ruinant ils
se ruinent eux mesmes.
SIRE, en ce cas vous deuez agir comme
vn pere de famille en sa maison, qui pour oster
la diuision que l’Ennemy du Genre humain seme
parmy ses Enfans, fait vne parfaite enqueste
de l’aggresseur, sans aucune passion, que de
celle qu’il doit auoir commune enuers tous ses
Enfans sans faueur. Ce que faisant, il rencontre
aisement l’Autheur de la diuision ; ou s’il y
trouue des raisons de & part dautre, qui semblent
balancer esgalement la cause de la querelle, ce
sera à luy d’arrester vne hayne, ou par sa clemence,
ou par sa prudence. Autrement comme
l’autheur de discorde ne manque point
d’artifice pour la semer, aussi n’en manque-il
point pour la nourrir & entretenir, si le pere
n’y apporte vn prompt remede. Les parties
contraires en vn Estat ne manquent iamais de
beaux pretextes de leurs diuisions. Mais encore
qu’ils desguisent bien leurs entreprises, neantmoins