[retour à un affichage normal]

Accueil > recherche > Affichage d'une occurrence en contexte

Mazarinade n° B_16_64

Image de la page

Gondi, Jean-François Paul / cardinal de Retz [faux] [1652], HARANGVE FAITE AV ROY PAR MONSEIGNEVR LE CARDINAL DE RETZ, En presence de Monseigneur le Nonce du Pape, assisté de Messieurs du Clergé, pour la Paix generale. Faite à Compiegne le onziesme Septembre 1652. , françaisRéférence RIM : M0_1594. Cote locale : B_16_64.


l’Estat n’en souffre pas moins, & cependant
qu’ils aigrissent leurs animositez, l’Estat
tombe en peril de sa ruine, s’il n’y a quelque
moyenneur qui les reconcilie.
 
C’est à vous, SIRE, comme au iuge & arbitre
Souuerain d’examiner la cause des desordres
& des pretextes sans vous attacher à aucun des
parties contraires, d’autant que le Iuge preuenu
d’affection enuers l’vne des parties contentieuses
n’est plus capable d’estre leur iuge.
Partant vous deuez, SIRE, vous détacher
entierement de ceux qui vous possedent. Autrement
vous seriez autant reprochable en cette
cause, qu’vn maistre, qui voudroit iustifier la
cause d’vn mauuais valet par sa propre bouche.
Certainement le vice commun aux domestiques,
fauoris & officiers du Roy qui sont aupres
de sa Personne, & de son Conseil priué,
est la flatterie & le mensonge sous pretexte de
deffendre l’authorité de leur Maistre.
C’a esté aussi vn autre pareil deffaut aux Princes,
qui les ont voulu escouter fermans les
oreilles à toutes Remonstrances, & ne donnans
aucun accés libre pour estre bien informez des
affaires qui les regardent : ou s’ils les ont escoutées,
ils ne les ont voulu entendre que par interpretation
& glose d’vn mauuais Conseil.
L’Estat present de la Monarchie Françoise,
SIRE, requiert bien que vous employés tout