[retour à un affichage normal]

Mazarinade n° C_12_40

Image de la page

M. L. M. D. [1652], LE PERROQVET PARLANT A LA COVR, Qui descouure les faussetez, artifices & suppositions, commises par les principaux Officiers de Finance. Les moyens d’en retirer plusieurs millions d’or apres une bonne & solide Paix; & rendre le peuple comme il estoit du Reygne de Henry IV. Representé au Roy Louys XIV. par M. L. M. D. , françaisRéférence RIM : M0_2749. Cote locale : C_12_40.

qu’ils foient à leurs Maiestez, sous noms d’autres desquels
ils se remboursoient par leurs mains, ensemble des sommes
notables qui estoient stipulées pour lesdites aduances
& interests d’icelles faites du fond de leurs receptes, par le
moyen dequoy ils couuroient & absourboient tous les deniers
comptans de leur recepte.
 
Second, que lesdits Tresoriers voyans que les predecesseurs,
Sire, pour le bien & la necessité de leurs affaires, Ordonnoient
grandes & notables sommes de deniers, & qu’il conuenoit les
payer comptant ou assigner en l’Espargne. Ils disoient aux vns
qu’il n’y auoit aucuns deniers és coffres du Roy, & aux autres,
Qu’ils auoient assigné & deliuré mandemens, pour grandes
sommes lesquelles ne pourront estre acquittées entierement
és receptes generales. Ce qui donnoit suiet aux vns de traicter
par composition : & aux autres de demander leurs assignations,
ausquels estoient deliuré mandemens (apres, toutesfois les assignations
precedentes leuées & acquittées) sur les receptes generales,
les plus chargez d’assignations, & dont les Receueurs
Generaux s’entendoient auec eux. Qui estoit à dire qu’il falloit
composer où auec le Receueur general, ou reuenir à la reformation
reassignation, & par consequent à composition.
Troisiéme, que lesdits Tresoriers voyans que les dons, voyages,
recompences, bienfaits & autres dépences, monroient
grandes & notables sommes, & beaucoup plus que ne montoit
le fonds qui deuoit tomber en leurs mains, & sur lequel ils
pouuoient leuer leur assignations compris, les non valeurs, ils
aduisoient auec leurs premiers Commis (second eux mesmes)
les moyens à tenir & obseruer à leur profit, auant que sortir
hors de leur exercice. Qui estoient que les plus difficiles seroient
assignez pour les faire reuenir vn iour à ladite reassignation
& accõmodation, & aux autres plus faciles & de bonne
affaire, leur dire librement qu’il n’y auoit aucun moyen qu’ils
fussent payez aux Receptes generales pour les raisons susdites :
mais que s’ils se vouloient ayder, ils en seroient payez &
asseurez d’vne bonne partie l’année qu’ils r’entroient en exercice,
mesmes que dés à present il leur en seroit payé quelque
somme. A quoy le particulier assigné entendoit librement &
conuenoit de la somme : pour le payement entier de laquelle