[retour à un affichage normal]

Accueil > recherche > Affichage d'une occurrence en contexte

Mazarinade n° C_5_53b

Image de la page

Mengau, Jacques [1652], L’HOROSCOPE IMPERIAL DE LOVIS XIV. DIEV-DONNÉ. Predit par l’Oracle François & Michel Nostradamus. , français, latinRéférence RIM : M0_1667. Cote locale : C_5_53b.


Diogenes pour les découurir auec vne Lanterne
en plain midy.
 
Ce n’estoit pas mon dessein de parler si auant
de la ruine de Paris, parce que j’en ay assez parlé
dans mes precedents aduertissemens, mais bien
des aduantages glorieux que le Ciel nous fait esperer
pour nostre jeune Monarque, toutesfois par
la conduite du Cardinal Mazarin ie suis contraint
malgré moy d’en parler, quoy qu’il soit l’erreur
de toute la France, duquel on verra vn grand
changement, ainsi que nostre Oracle a remarqué
dans la Centurie sixiéme quatrain 70.
 
Au chef du monde le grand Chyren sera
Plus outre apres ayme, craint, redouté
Son bruit & los les Cieux surpassera,
Et du seul titre victeur fort contenté.
 
De maniere que par ce Quatrain nostre Oracle
nous fait esperer vne grande Metamorphose du
Cardinal Mazarin, soit en sa condition, puis qu’il
doit estre le premier entre tous les Monarques du
monde, quant à ces faits ils surpasseront les Cieux,
c’est à dire la pẽsée des plus iudicieux, ce qui est fort
difficile à croire le voyant à present dans la hayne
presque de tout le monde, de maniere que sa renommée
passera si auãt qu’elle penetrera les Cieux,
puisque aussi il doit paruenir dans la sacrée Monarchie,
& pour lors il demeurera satisfait & tres-content :
Finalement la hayne qu’on à present
contre luy se changera, parce que par ses faits il