[retour à un affichage normal]

Mazarinade n° B_2_27

Image de la page

Mengau, Jacques [1652], L’HOROSCOPE IMPERIAL DE LOVIS XIV. DIEV-DONNÉ. Predit par l’Oracle François & Michel Nostradamus. , français, latinRéférence RIM : M0_1667. Cote locale : B_2_27.

Le Ciel fera ses tonnerres pleuuoir,
Feu, eau & sang, le tout meslé ensemble
Le Ciel de Sol fremit & en tremble,
Viuant n’a veu ce qu’il pourra bien voir.
 
Cette desolation sera si grande que peu en rechapera
dit nostre Oracle, notamment quand il
parle de Messieurs du Parlement, Centurie neufiéme
Quatrain cinquante & vn.
 
Contre les rouges sectes le banderont
Feu, eau fer, corde par paix se minera,
Au point mourir ceux qui machineront
Fors vn que monde sur tout ruinera.
 
Il faudroit auoir l’esprit & le don de Prophetie
pour deuiner celuy duquel nostre Oracle parle,
quand il dit, Fors vn que monde sur tout ruinera : Toutesfois
si ie l’osois dire, il me semble que i’en aprocherois
de bien prés, si on a remarqué dans mes
precedens aduertissements, ie crois l’auoir assez
nommé, & en auoir dit mon sentiment. Enfin
Paris doit estre attaqué par toute sorte de deluges
d’eau & de feu : Pour celuy de l’eau on ne le sçauroit
éuiter, mais pour celuy de feu & de fer il se
peut si on veut, il n’y a que la nonchalance qui sera
la cause de ses debordemens, viue l’vnion & la concorde,
car le Dieu de Paix & de Misericorde ne
vous delaissera iamais, ou bien comme dit la Sapience,
Menti bone Deus occurrit, Dieu est tousiours
fauorable aux gens de bonne volonté, mais ou
sont-ils ses gens de bien, il faudroit vn second