[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

qu’il se trouuast vn tiers pour balancer le party
de deux Princes à la Cour, dont il estoit plus authorisé
par sa naissance, l’autre autant considerable par
le credit qu’vne valeur extraordinaire, & vne perpetuelle
bonne fortune luy auoient acquis dans l’estime
de tous les François malheur inseparable des
minoritez des Roys, malheur qui a ruiné cét Estat
apres la mort du sage Roy Charles V, & qui a pensé
perdre la Religion apres celle de Henry II. ayeul de
V. A. quel fruit se pouuoit on promette d’vn si miserable
choix de la personne la plus infame qui se
pût rencontrer d’vne extremité de la terre à l’autre,
& de cét autre trium vitat.
 
L’habit que ie porte & la Religion que ie professe,
quoy que tous deux estrãgers, ne m’ont point
osté les sentimens d’vn veritable François. La nature
m’oblige de les conseruer, Dieu me le commande,
& m’ordonne encor de haïr les ennemis de
ma patrie Vostre Altesse m’a rendu à elle par la fõdation
d’vne maison de nostre Ordre dans ce Royaume.
Vous nous auez donné vn hermitage pour y
viure dans la retraite, & pour y attendre vne mort
naturelle : toutesfois nous sommes auiourd’huy en
plus grand danger dans le cœur de la France, à cinq
lieuës de Paris, & sous la protection de V. A. qu’au
milieu des Bandis d’Italie. Dieu nous a donné des
armes contre l’assaut du diable, & ces armes ne sont
que d’vne defence inutile cõtre des troupes estrangeres,