[retour à un affichage normal]

Accueil > recherche > Affichage d'une occurrence en contexte

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.


que vous deuez esperer de la misericorde de Dieu
dans la region des bien-heureux, de ne pas negliger de
faire vne action de Prince veritablement Chrestien, &
de laquelle peut dépendre vostre gloire dans l’Eternité.
Ie croy que Dieu a prolongé vos iours pour cette occasion,
seule capable par son importance d expier toutes
vos fautes ; & nous le supplions iour & nuit qu’il vous
fasse la grace d’en bien vser pour vostre salut, & pour le
bien de la France, de laquelle vous pourrez aussi legitimement
estre appellé le veritable fils qu’aucun de nos
princes, & reparer par vostre vertu la tare de vostre
naissance. La branche veritablement Royale des Valois,
dont vous auez esté le dernier surgeon, à toujours
esté genereuse, bienfaisante & affectionnee au Royaume.
C’est elle qui la conserué, & qui l’a augmenté : c’est
d’elle que nous auons eu tant de Roys qui ont joint à
leurs qualitez celle de Peres du peuple. C’est dans cette
mesme source ou celle de Dunois a puisé cette generosité,
& cet amour du public, qui l’õt mise en paralelle auec
les principaux princes du Sang, & qui feroit dire auiourd’huy
que M. le Duc de Longueville les auroit surpassez,
si Dieu ne s’estoit seruy de la ieunesse d’vn prince
du nom des Bourbons, d’vn Prince iuste, non corrompu,
& non destiné aux armes, qu’il a choisy dans la vocation
Ecclesiastique pour chef d’vn party qu’il veut
rendre triomphant de la valeur furieuse des autres.
 
Si l’incommodité qu’ameine auec soy vne vieillesse
chenuë ne vous excusoit des fatigues & des soins assidus
de la guerre : Ie ne vous cõseillerois pas seulement ; mais
ie vous commãderois de la part de Dieu de prendre les