[retour à un affichage normal]

Mazarinade n° C_4_38_07

Image de la page

Questier, Mathurin, dit Fort-Lys [1649 [?]], SVITTE DV IOVRNAL POETIQVE DE LA GVERRE PARISIENNE. Dedié aux Conseruateurs du Roy, des Loix, & de la Patrie. Par M. Q. dit FORT-LYS. SEPTIESME SEPMAINE. , françaisRéférence RIM : M0_1763. Cote locale : C_4_38_07.

Dont ie ne dis le nom, à cause que l’horreur
Que ces Diables y ont faicts donne de la terreur.
 
 
Messieurs de Parlement ayant le passeport,
Firent leurs Deputez cheminer sans effort,
Vers Sainct Germain en Laye, afin d’oster le faix
Du Peuple ja matté en luy donnant la Paix.
Ce fut (Messieurs Molé, de Mesmes President,
Et Monsieur Violé, Conseiller tres prudent
De la grande Chambre : & dont la vigilence
Se conjoint fortement à son intelligence.
De Cumont, & le Cocq, Catinal, Menardeau,
Tous quatre bien zelez, pour porter le fardeau
Du Peuple : Et de Paluan, Conseillers des Enquestes,
Auec Monsieur le Févre ; Conseiller des Requestes)
Qui furent deputez de ce Senat Auguste,
Afin de bien desbattre vne cause si iuste.
 
 
Messieurs les Gens du Roy sortirent de Paris,
Estans accompagnez d’Archers tres-aguerris,
Et Gardes de Monsieur de la Mothe Houdancourt,
Tous montez à cheual ; s’en reuindrent tout court,
Qui les ayant laissez vers le cours de la Reyne
Où Saintot les receut, c’est chose bien certaine.
Ils furent tous conduicts iusques au Bourg de Ruel
Par luy : & son ordre de ce faire estoit tel.
De Grammont les receut au dessus la Montagne
Des bons Hommes ; tenant tout exprés la campagne,
Afin de les mener, iusques dedans Sainct Cloud,
Sans crainte des dangers ny d’homme ny de loup.
 
 
Mais voicy en chemin quantité d’Allemans,
Caualiers effrontez, yurongnes & gourmans.