[retour à un affichage normal]

Accueil > recherche > Affichage d'une occurrence en contexte

Mazarinade n° C_5_69

Image de la page

Rozard, N. [?] [1649], L’ITALIE VENGEE DE SON TYRAN. PAR LES ARMES des bons François. Par le sieur N. R. Champenois. , françaisRéférence RIM : M0_1732. Cote locale : C_5_69.


les arrerages : mais ils ne sçauoient pas le prouerbe
François, qui asseure, qui quiconque compte
auant son hoste, compte deux fois : car celuy
plus fin qu’eux voyant ses affaires en bon estat, il
fit banqueroute, & par cette lasche action, il ruina
plusieurs qui luy auoient donné à la bonne
foy, les veilles & les soins qu’ils auoient pris pour
amasser dequoy subuenir à leur negoce, ou pour
mieux dire à leurs familles, qui maintenant sont
dans vne indigence tres déplorable, mais ce n’est
que l’accessoire des torts qu’il a fait : car sa Saincteté
mesme en a ressenty les malins effets, au moyen
dequoy la fait emprisonner, & fait voire l’image
de l’enfer par celuy de la prison, il s’est prostitué és
choses prophanes & sacrées, dépoüillé la vefue &
l’orphelin, butiné sur l’innocent, & ses mains furieuses
& crocheuës ont esté si vastes & si longues,
qu’elles ont porté leur visée iusque sur le
domaine d’Espagne, il me souuient à ce propos
d’Alexandre le Grand qui conquis toute la terre,
par le fait de ses armes & generosité de son bras.
Mais Mazarin pour amasser, acumuler & entasser
& deuenir opulent, il ne s’est seruy pour milice
ny pour plastron que d’inuention & artifice,
& n’y a aucun lieu mesme iusques aux terres les
plus inhabitées, quine ressentent les trais malins
de ces inuentions Sathaniques. Il faut donc dire
maintenant que Dieu a exaucé les exorations &
prieres de tant d’ames deuotes & Religieuses, qui
ont fait des vœux au Ciel pour la liberation des