[retour à un affichage normal]

Accueil > recherche > Affichage d'une occurrence en contexte

Mazarinade n° C_2_42_06

Image de la page

Saint-Julien,? [?] [1649], LE SIXIESME COVRRIER FRANCOIS, TRADVIT FIDELLEMENT en Vers Burlesques. , françaisRéférence RIM : M0_2848. Cote locale : C_2_42_06.



Qu’il ne connoissoit que le Pape,
Et comme mordant à la grappe
Il repetoit souuent cela,
Quand doctement le regoula
Le Iuge qui l’alla confondre
Si bien qu’il ne pût rien respondre :
Car apres auoir rapporté
Qu’aux faits de cette qualité
Qui n’est qu’interroger vn homme,
On se passoit d’aller à Rome,
Et qu’il demandoit ce renuoy
Contre l’authorité du Roy
Qui sur les Euesques de France
Garde tousiours pleine puissance,
Sans courir à sa Saincteté
Sur tout en leze Majesté,
Il luy cita quelque Concile,
D’exemples plus de quatre mille,
Et trop puis qu’il demeura sot
Sans pouuoir respondre vn seul mot ;
Sinon, Messieurs, au Pape au Pape,
Ie vais disner, on met ma nappe,
A dieu ne m’importunez pas
Laissez moy prendre mon repas
Surquoy ces Messieurs emporterent
Certains papiers qu’ils rencontrerent
Et quelqu’autre brinborion
Au cabinet dudit Cohon ;
Et vinrent chez l’Euesque d’Aire
Qui ne fit pas tant de mystere,
Mais apres auoir protesté
Pour ceux de cette qualité
Leur franchise & leur priuilege,
Il respondit dessus vn siege.
 
 
Ce iour l’Archeuesque regla
Et par son reglement sangla
Messieurs de Ieusne & de Caresme
Qui s’en venoient à face blesme