[retour à un affichage normal]

Accueil > recherche > Affichage d'une occurrence en contexte

Mazarinade n° D_1_5

Image de la page

Scudéry, [?] de [signé] [1643], L’OMBRE DV GRAND ARMAND. , françaisRéférence RIM : Mx. Cote locale : D_1_5.



Il attaque, il emporte, & puis rend Chamberi.
Des hauts murs de Paris, & des bords de la Seine,
Son tonnerre va fondre aux terres de Lorraine,
Nancy, par mes conseils, cede & reçoit sa loy,
Et le Vassal rebelle, est aux pieds de son Roy.
Mais, si mes grands conseils font tõber des murailles,
En suitte mes conseils font gagner des batailles,
Et les plaines d’Auein feront voir dans cent ans,
Ce que par mes conseils, firent nos combattans.
De là, pour entasser victoire sur victoire,
Ie cherche dans l’Artois vne nouuelle gloire,
Allant par mes labeurs à cet illustre prix,
Arras est attaqué, c’est à dire il est pris.
D’vne ame infatigable, & qui voit toute chose,
Qui veille incessamment, qui iamais ne repose,
Ie voy Thurin captif, & Thurin par mes soings,
Sort enfin de ses fers lors qu’on le croit le moins.
Au riuage du Rhein, où mon desir aspire,
Ie plante heureusement les bornes de l’Empire,
Brisac cede à mon Roy, reconnoit son pouuoir,
Et se ioint au grand corps que moy seul fais mouuoir.
En suitte trauaillant au bien de la Couronne,
Ie replante les Lis aux champs de Barcelonne,
Et i’adiouste à l’Estat, par mes heureux proiets,
Vne nouuelle gloire, & de nouueaux Suiets.
Enfin pour couronner ma haute destinée,