[retour à un affichage normal]

Mazarinade n° B_19_54

Image de la page

Ailly Annery, Charles d' [signé] [1652], RECIT VERITABLE DE TOVT CE QVI S’EST fait & passé en l’Assemblée generale de la Noblesse tenuë à la Roche-Guyon. Auec la Lettre de Cachet du Roy enuoyée à ladite Assemblée. , françaisRéférence RIM : M0_3022. Cote locale : B_19_54.

ennemis, conformément aux sentimens des Gentils-hommes
de nos Bailliages & à cét effet que ceux dedeç à la Seine s’assembleront
à Magny le Lundy dix septiesme de ce mois, & les Bailliages
de delà la Seine les plus voisins à Couruille, lesquels tant
les vns que les autres marcheront à Houdan, où ils se trouueront
le Mercredy 19. dudit mois à giste.
 
Et que les Deputez des Bailliages de Saumur, la Flesche &
partie d’Angers s’en retourneront en diligence pour assembler
les Gentils-hommes de leurs Bailliages, & se ioindre à nous le
plus promptement que faire se pourra.
Et à l’esgard des Bailliages de Blesois, Vendosmois, Romorentin,
Danois & Boisgency, partie d’Orleans sera fait response à
leur Lettre, & leur sera donné aduis de monter incessamment à
cheual, pour se ioindre à nous & executer nostre present Arresté,
ainsi qu’ils nous le promettent par icelle.
Et quand aux Bailliages de Caën & d’Allençon, Monsieur du
Coudré sera prié de leur enuoyer coppie du present Arresté
pour s’y conformer, & pour tous les autres Bailliages tant vnis
entr’eux, que ceux qui trauaillent à s’vnir pour se ioindre à nous,
il leur sera enuoyé Lettre circulaire qui les instruira des raisons
de nostre conduite, & les conuiera de monter pareillement à
cheual, & se ioindre à nous à mesme dessein.
Il a esté arresté qu’il seroit deputé vers le Roy pour les fins
contenuës au susdit Arresté.
Il a esté aussi arresté que tout ce que dessus sera communique
premierement à Monsieur de Liancourt pour response aux choses
qu’il nous a dites, & fait voir de la part du Roy, & à cét effet
a esté deputé vers luy le Secretaire de l’Assemblée.
Il nous a dit à son retour que Monsieur de Liancourt luy auoit
fait instance de rompre la presente Assemblée, & qu’il ne s’en
fist plus à l’aduenir.
Il nous a pareillement fait rapport que mondit sieur de Liancourt
luy a aussi dit qu’il ne iugeoit pas que ce fust l’intention du
Roy que nous montassions à cheual sans vn ordre particulier de
sa Maiesté.
Sur quoy la Compagnie a resolu pour donner des preuues de
sa sousmission de sursoit l’execution de l’Arresté de monter à