[retour à un affichage normal]

Accueil > recherche > Affichage d'une occurrence en contexte

Mazarinade n° C_3_47

Image de la page

Alessandro [signé], P. D. P. Sieur de Carigny [1649], LETTRE D’VN GENTIL-HOMME Italien à vn François, son amy, sur l’enleuement du Roy tres-Chrestien. TRADVITTE PAR P. D. P. Sieur de Carigny. , françaisRéférence RIM : M0_1878. Cote locale : C_3_47.


semble qu’il y ayt en cela quelque fatalité, & que
ce grand Royaume ne puisse estre troublé que
par des estrangers, quoy qu’il soit mesme le refuge,
& le glorieux Azile des estrangers persecutez.
Il faut auoüer qu’ils sont d’autant plus coupables
qu’ils imitent ces hostes qui pour la recompense
de l’hospitalité mettent le feu aux
lieux qui leur ont seruy de retraitte. Mais apres
i’admire cette grande vnion de toutes les Prouinces
qui composent ce grand Corps, & plus que
tout le reste encore, cette tranquilité du peuple
de Paris dans cette mauuaise conioncture. L’aueuglement
de vos Ministres est estrange ; la
Prouidence de Dieu miraculeuse, & ie croy qu’en
/> ce point les choses ont esté tout au contraire de
leur pensée. C’est vne marque infaillible que
Dieu prend vn soin particulier du throsne d’vn
Prince pupille, dont on dit que les vertus naissantes
font attendre de grande choses de luy
pour le bien du peuple, & pour la grandeur de sa
Couronne. La vertu est le plus beau fleuron de cét
ornement de la teste des Roys, & les peuples obeïssent
auec plaisir à la vertu couronnée. C’est
ce que la renommée raconte icy de ce grand Monarque
que le Mazarin a enleué hors de Paris
sous de faux pretextes, & qui n’ont aucune apparance.
de verité. Ie pense qu’il n’est pas encore