[retour à un affichage normal]

Accueil > recherche > Affichage d'une occurrence en contexte

Mazarinade n° A_2_9

Image de la page

Anonyme [1649], ADVIS DV MAVVAIS RICHE A MAZARIN. , françaisRéférence RIM : M0_512. Cote locale : A_2_9.


a iadis tyrannisé l’vniuers ayant fait mettre le
feu aux quatre coins de la ville de Rome voulut
d’vne tour eminente estre spectateur de ce tragique
embrasement, & tu veux l’estre de celuy de
toute la France, que toy seul a causé plus malheureux
en cecy comme plus inhumain que ne
fut ce Tyran que l’vn estant bien de plus longue
estenduë tu ne sçaurois voir d’vn clin d’œil le mal
que tu fais comme luy celuy qu’il faisoit.
 
Si ie voulois acheuer ces deux tableaux de nos
vies que ie me contente d’auoir ébauché, croy
moy la mienne fut elle encore depeinte d’vn coloris
plus noir tireroit du lustre de la tienne ; mais
ie passerois les iustes bornes d’vn aduis, & mon
dessein n’est point de les passer si ie ne l’ay desia
fait.
Ce n’est donc pas faire largesse de ton bien mais<lb/> restitution de celuy d’autruy. Que ie t’exhorte,
Mazarin, puis que celuy n’a rien à donner qui
semble auoir tout à rendre : ce n’est pas à bastir
des Hospitaux puis que tu n’en as que trop fait de
tant de maisons desolees, mais à les renter non de
ton bien mais du leur, dont ton auarice & celle de
tes Ministres complices de la tienne, les a tres-iniustement
dépoüillez.
Les restitutions ne sont ordinairemẽt pas moins
malaisées que necessaires au salut de ceux qui en
ont à faire, mais pour estre difficiles elles ne sont
pas impossibles, & si tu voulois rappeller des banques
d Italie les millions que tu y as mis a couuert