[retour à un affichage normal]

Accueil > recherche > Affichage d'une occurrence en contexte

Mazarinade n° A_2_25

Image de la page

Anonyme [1649], ADVIS D’VN BON PERE HERMITE, DONNĖ A VN AVTRE SVR LES MALHEVRS DV TEMPS. , françaisRéférence RIM : M0_501. Cote locale : A_2_25.


reprocherez que i’en dis trop pour vn homme de nostre
profession ; mais il estoit necessaire de vous donner
cette connoissance, pour vous iustifier vn party
pour lequel vous n’auriez garde de solliciter le Dieu
des armées, si vous ne croyez sa cause iuste. L’on m’a
dit que l’incomparable Sorbonne alloit prononcer
en sa faueur, & ie n’en doute pas, puis qu’il ne s’est
formé que pour retirer son Prince d’entre les mains
des rauisseurs, que loin de choquer son authorité, il la
veut affermir, & déliurer de l’vsurpation d’vn fauory ;
& qu’enfin la politique toute genereuse & toute
des interessée ne regarde que la gloire de Dieu, & l’auantage
de cette Couronne. Priez donc, mon frere,
pressez, sollicitez auec ferueur ; car vous sçauez bien
que les hommes n’ont point d’autres armes pour se
deffendre de leur createur en colere, & que c’est vne
chose tres certaine, que nos larmes, & que nos soûpirs,
qui ne seruent ordinairement qu’à rendre nos
ennemis plus orgueilleux, ne manquent iamais de
l’appaiser.