[retour à un affichage normal]

Mazarinade n° B_17_12

Image de la page

Anonyme [1652], ADVIS PROMPT ET SALVTAIRE, DONNÉ PAR LES BONS BOVRGEOIS DE PARIS a Messieurs les Princes, POVR SE RENDRE MAISTRE DES PASSAGES & Villes dés enuirons de Paris, ou il y a Garnisons Mazarines: Pour la conseruãtion de M. le Duc de Beaufort dans le Gouuerment de la Ville: Pour la continuation de M. de Broussel en la Charge de Preuost des Marchands, dont l’Election doit appartenir cy-apres aux Bourgeois: Pour l’Esloignement du Coadiuteur hors de Paris. Et pour perfection des cinquante mil Escus, promis par Arrest de la Cour à celuy qui presentera le Cardinal Mazarin vif ou mort. , françaisRéférence RIM : M0_532. Cote locale : B_17_12.

Mantes, & autres lieux : & si dans huict iours sa
Majesté vous refuse cette grace, il ne faut point
estre grand Politique pour iuger que la Reyne ne
nous veut point donner vne veritable paix ; &
qu’elle attend le Mazarin auec vn grand nombre
de forces estrangeres, pour nous venir assieger, &
faire des Parisiens vn chastiment aussi memorable
que celuy de Charles VI. qui sert tous les
iours de diuertissement au Roy, par la lecture
que le Mazarin luy en faict faire : mais on ne luy
dit pas, qu’il perdit l’esprit pour punition d’vne
si cruelle vengeance, & de celle qu’il meditoit
contre pierre de Craon, & plusieurs autres de ses
sujets.
 
Quand ces huict iours seront passez il faut leuer
des troupes, aller premierement à Corbeil
& à Lagny, & raser les murailles de ces deux
Villes, qui ne nous peuuent iamais tant seruir
qu’elles nous seront de mal : car, Messieurs, si
vos troupes y estoient, elles voleroient & nous
rançonneroient aussi-bien que les autres. Elles
ne sont pas mieux policées, quoy qu’elles soient
à des Princes qui nous ayment & qui nous protegent :
ces deux Villes sans forces & sans deffences,
donneront de la terreur aux vnes, & du
courage aux autres pour se deffendre des garnisons
Mazarines. Sainct Denis, que ie n’ay pas
nommé, parce qu’il n’y a point de troupes, deuroit