[retour à un affichage normal]

Accueil > recherche > Affichage d'une occurrence en contexte

Mazarinade n° A_2_19

Image de la page

Anonyme [1649], ADVIS SALVTAIRE DONNÉ A MAZARIN, POVR SAGEMENT VIVRE A L’ADVENIR. , françaisRéférence RIM : M0_536. Cote locale : A_2_19.


presomptueux sont suiettes à mille choppemens ; &
pour ne prendre le loisir de les préuoir, ils n’ont pas
l’addresse de les euiter, mais bien le temps de s’en repentir.
Encore vous diray-ie, que s’il est vray que la
nature, pour la consolation de nostre miserable condition,
ne nous a donné en partage que la presomption,
certes, au rencontre de tant d’accidens, vous
auez suiet d’vne belle consolation de vostre infirmité ;
car vous auez bonne part de vostre presomption,
& outre que vous n’auez rien si proprement vostre,
que l’vsage de vos fantaisies, vous n’aurez aussi en
vos entreprises que du vent & de la fumée en partage ;
& comme vous semez vos souhaits au vent, vous
ne moissonnerez que du vent. Vous auez, ie le sçay,
beaucoup de desseins cõtre le Roy, mais peu de force ;
& desirez le plus ce que vous pouuez le moins. Croyez
que vous vous trouuerez tousiours au dessous de
vous, lors que plus vous pẽserez estre au dessus de luy ;
toûjours rabatu d’enhaut, lors que vous pousserez plus
en haut, & que par vos fourbes & supercheries vous
penserez attirer sur luy l’indignation de son peuple :
car le Ciel ne fauorise iamais que la pieté & les intentions
qui sont droites & iustes. Ainsi, Monsieur, n’allez
iamais à Rome ; car on dit en commun prouerbe,
que qui fol y va, fol en retourne : & faites plustost vn
vœu de donner vne chandelle ou deux à sainct Mathurin,
afin qu’il luy plaise rappeller vos esprits esgarez
dans la confusion de vostre infirmité, & remettre
vostre teste sous vostre bonnet ; & le prier instamment