[retour à un affichage normal]

Mazarinade n° A_2_13

Image de la page

Anonyme [1649], ADVIS SALVTAIRE ET GENEREVX A TOVS LES BONS FRANCOIS Et aux veritables Bourgeois de Paris. , françaisRéférence RIM : M0_541. Cote locale : A_2_13.

de ce Parfante, par les apparences d’vn faux bien de voir le
commerce restably, lequel dependant absolüement du retour
du Roy qu’il t’a desrobé meschamment à la faueur des tenebres
rend tes esperances vaines, n’ayant apres vn tel crime le
front ny l’audace de se presenter deuant tes yeux, de peur d’encourir
la peine deüe à vne si enotme meschanceté, suiuie de
viols, impuretez, meurtres, sacrileges, profanations des Hosties
& des Temples, bruslemens, saccagemens & autres inhumanitez
& impietez sans exemple, n’a partant le dessein de
le ramener, tandis qu’il sera prés de sa personne, & demeurera
dans le gouuernement de l’Estat ? Te figures-tu d’estre à
l’abry de sa cruauté par cette paix mal nommée, & il ne l’a
trainee que pour te la faire ressentir ? Prendras-tu quelque confiance
sur les paroles & la foy de ce Scelerat qui n’en eut
iamais, & qui met toute son estude & sa gloire dans les fourbes
& dans les tromperies ? Te laisses tu persuader & traisner
aux pernicieux conseils d’vn petit Farfodet rejeton de la maltostie,
fils & gendre de Partisans, ou d’autres Magistrats pensionnaires
de ce Ministre, qui trahissans leur honneur & leur
conscience s’efforcent de te seduire, & de t’attirer à leur caballe
pour former vne diuision en toy-mesme, & entre Toy,
le Parlement & les Generaux, & opprimer puis apres sans
aucune difficulté les vns & les autres successiuement ? Ne vois-tu
pas qu’en ce faisant & abandonnant ainsi les Generaux,
& toutes les Prouinces du Royaume qui se viennent vnir à
toy pour la deffence contre le commun ennemy, lors que tu
l’as souhaitté, tu te decredites & rends odieux au reste de la
France, qui de despit tournera contre toy les armes que tu luy
as fait prendre pour ton secours ? Est-ce vne paix de te laisser