Mazarinade n° C_8_43
Image de la page
Anonyme [1649], AGREABLE ET VERITABLE RECIT DE CE QVI S’EST PASSÉ, DEVANT ET DEPVIS L’ENLEVEMENT DV ROY, HORS LA VILLE DE PARIS, par le Conseil de Iule Mazarin. EN VERS BVRLESQVES. , françaisRéférence RIM : M0_55. Cote locale : C_8_43.
Qui mettant fin à ses alarmes,
Fit quitter à chacun les armes,
Cependant c’est vn coup du Ciel,
Que plus loin n’alla point le fiel,
Comme quand la tempeste émeuë,
Porte vn vaisseau iusqu’en la nuë,
Puis apres le fait abysmer,
Iusqu’au plus profond de la mer,
Quand les grands éclats de la foudre,
Semblent reduire tout en poudre,
Que la fureur des Aquilons,
Fait d’eau, montagnes & valons,
Que l’air obscurcy de nuage,
Ne represente que l’image
De la plus miserable mort,
Dont on puisse craindre l’effort :
Qu’à tous momens la mer s’entrouure
Pour nous engloutir dans le goufre,
Que nous voyons dedans les eaux,
Les vens qui creusent nos tombeaux,
Alors si le pere Neptune,
Paroist dessus vn char d’escume,
Il calme la fureur des flots,
Chassant les vents dans leurs cachots,
De mesme la chaude bourasque,
De la populace fantasque
Ne faisoit ouyr dans Paris,
Qu’vne confusion de cris,
Quand celuy qu’ils nomment leur pere,
Appaise aussi-tost la colere,
Iettant d’vn regard assez doux,
Des eaux au feu de leur courroux,
Mais pour cela nostre Corsaire,
Ne dépose pas sa colere,
Au contraire il est plus fasché,
D’auoir pris pour auoir lasché.
Creuant de dépit il reserue,
Pour le dessert de la conserue,
Il attend iusqu’au iour des Roys,
A nous enleuer nostre Roy,
Ayant enleué son image,
Auparauant par son pillage,
Image de la page