[retour à un affichage normal]

Mazarinade n° B_10_13

Image de la page

Anonyme [[s. d.]], APOPHTEGMES DE L’ESPRIT DE VERITÉ, CONTRE LES ECCLESIASTIQVES QVI ABANDONNENT LE GOVUERNEMENT Politique des affaires de Dieu ; pour (sous le masque d’vne pieté simulée) vsurper auec plus de facilité le Gouuernement Politique des affaires d’Estat. , français, latinRéférence RIM : M0_132. Cote locale : B_10_13.

nature du suiet que nous voulons traiter auec
sa propre definition, puis qu’il nous est impossible
de trouuer vn chemin qui nous puisse conduire
plus seurement a la parfaite connoissance
des choses que nous voulons dire.
 
A vray dire, il n’est point de nuée qui se puisse
opposer à la sublime intelligence des hommes,
que ce bel astre de raisonnement ne dissipe : &
nous ne scaurions exprimer par son moyen, aucune
circonstance qui ne conuienne au definy,
comme il n’est rien pareillement à son suiet,
qui ne doiuent appartenir à ce genre d’escrire.
Apres ce fondement posé, concluons donc
que l’Eglise est vne police Monarchique, instituée
pour vne fin surnaturelle & spirituelle,
conduite d’vn gouuernement Aristocratique,
par le souuerain Pasteur de nos ames, qui est
nostre Seigneur, Roy, Monarque, Fondateur,
Pierre angulaire, & Chef essentiel de l’Eglise,
qui a vn empire absolu, purement Monarchique
sur elle, & qui encores que par sa vertu
infinie, il eust peu sauuer les hõmes sans le scandale
de la Croix ; neanmoins pour confondre &
pour destruire la puissance, le fast, l’orgueil, &
la sagesse du monde, & pour enseigner ses Ministres
à estre humbles, & à quiter tous les biens
de la terre pour le suiure, il a voulu sauuer les
croyans par la folie de la Predication, afin que