[retour à un affichage normal]

Mazarinade n° B_15_15

Image de la page

Anonyme [1652], EXAMEN DES DIVERS SENTIMENS SVR L’ARREST DV Parlement du 20. Iuillet. Et du Discours seditieux sur la Lieutenance. Ou responce à la piece de Pontoise. , françaisRéférence RIM : M0_1318. Cote locale : B_15_15.

l’institution des Roys, on trouuera qu’au
commencement ils exercoiẽt ces trois charges
de iuge, de Capitaine & de sacrificateur ; cõme
a remarqué le scauant Ozorius dans l’instructiõ
du Prince, celle de Capitaine ne s’exerce que
pendant la guerre qui est vne maladie aiguë de
de l’Estat. La sacrificature n’estoit fondée que
sur la superstition & n’a esté excercée legitimement
que par Iesus Christ, & par ceux qui
ont esté les types de son Royal sacerdoce. Mais
la iudicature est attachée à la dignité Royale inseparablemẽt
& Ainsi nous prendrons ces belles
Paroles de Henry IV. que le Roy est le premier
Magistrat comme vn des plus excellents
Apophtecmes qui se puisse trouuer dans le receüil
des Sentences des sages.
 
Nostre discoureur adiouste que les maux du
peuple de Paris reflechissent auec vsure sur le cœur
du Roy qu’il plaint l’aueuglement des meschants et
la seruitude des bons. Si les maux de Paris le touchoient
il n’auroit pas deffendu sur peine de la
vie d’y porter des viures, il plaint l’aueuglement
des meschãts, mais s’il estoit esclairé de l’Esprie
de Dieu, il se seruiroit, d’vn meilleur conseil, il
ne vendroit point la Iustice a ses suiects & n’exposeroit
pas à la Barbarie des gens de guerre des
innocens qui ne sçauent pas discerner entre la