[retour à un affichage normal]

Accueil > recherche > Affichage d'une occurrence en contexte

Mazarinade n° C_7_60

Image de la page

Anonyme [1649], IVGEMENT ET CENSVRE DES TROIS LIBELLES INTITULEZ, la Replique, le Donjon, & le Retorquement du foudre de Iupinet, faits par l’Hypocrite à la fausse barbe. Iudas auoit obtenu portion à l’administration des Apostres. Act. Chap. 1. Vers. 18. , français, latinRéférence RIM : M0_1773. Cote locale : C_7_60.


Quinque pedum, pour le recompenser de son entreprise :
car il n’en put iamais venir à bout, &
certes il fut contraint comme dit fort bien Accurse
de dire, Nescio, vne fois en sa vie.
 
Nostre nouueau Politique en pourra bien faire
de mesme, touchant les matieres dont il se
mesle, ny connoissant chose quelconque : quoy
que pourtant il se veüille ietter à trauers l’obscurité
imaginaire de ses faux songes, pour triompher
des ambiguitez de son esprit : Comme vn
autre Aratus, de qui la vaillance, n’estoit iamais
en son lustre que sous les tenebres, & la confusion
de la nuit.
Phillon Iuif au traitté qu’il à fait contre Flaccus,
rapporte qu’il y auoit en Alexandrie vn certain
Greffier, qui pour ses faussetez, fut appellé
l’homme à la plume meurtriere par le peuple ;
d’autant qu’il diminuoit ou adioustoit aux Arrests
des iuges, pour satisfaire à sa passion déreglée.
Que si la fausseté est si dangereuse en matiere
de Politique, où il ny va que des biens de la
fortune, elle est beaucoup plus dangereuse &
plus criminelle en matiere de Religion ; puis
quelle ruine la verité de nostre croyance, d’où
depend le salut éternel de nostre ame.
Comment doit-on appeller les autheur de
ces abominables faussetés ; puis qu’ils perdent
les esprits pour iamais auec vn coup de plume.
Tertulien dit fort bien que, tantum veritati obstrepit