[retour à un affichage normal]

Accueil > recherche > Affichage d'une occurrence en contexte

Mazarinade n° B_5_38

Image de la page

Anonyme [1652], LE VERITABLE MANIFESTE DE LA FRANCE, A SON ALTESSE ROYALE ET A MESSIEVRS DV PARLEMENT, SVR LES DESORDRES DES GENS DE GVERRES. , françaisRéférence RIM : M0_3941. Cote locale : B_5_38.


& qui a porté les armes & soustenu puissamment l’interest
du Roy contre les ennemis de l’Estat, & dont les progrez
sont l’ornement de toutes mes conquestes, n’ignorez
pas combien la guerre fait de miserables, & iusques
ou peut aller la licence & l’impunité du soldat, & encores
en cette pitoyable occasion, où le pere est contre le
fils, où le frere medite la mort de l’autre, & où tous les
parens ne pensent qu’à ce deffaire de leurs plus proches.
Desliurez moy grand Prince, de tous ces malheurs, vous
la pouuez, soyez le mediateurs de tous ces differends qui
n’ont pour objet qu’vn retour, & pour mettre fin à mes
maux accordez vne retraitte ou l’on ne me puisse faire de
mal, & aydez au ieune Monarque qui me gouuerne à
manier le Septre qui est en sa main, plustost que de hazarder
ma fortune, reseruez la valeur de mes enfans pour
vne meilleure occasion : Les Parisiens seuls dans vn malheur
general, ne sont ils pas capables de seruir vtilement,
& il ny en à pas vn qui n’ait assez de force & de courage
pour prediger sa vie & respandre son sang pour vn Roy,
s’il estoit attaqué auec perte ou desaduantage ; comme il
arriua lors que les ennemis s’emparerent de Corbie & des
autres Villes frontieres, lors qu’ils porterent le fer & le
feu dans toute la Picardie, & lors qu’ils donnerent l’espouuente
& la terreur à tous les François.
 
C’est cette puissante & superbe Ville qui fit vn effort
digne d’elle, & qui donna moyen au feu Roy de couurir
vne faute, & de reparer l’inprudence du Cardinal de Richelieu,
qui auoit laissé cette partie de l’Estat trop à descouuert :
En effect les Espagnols mesme parlant de cette
Ville de Paris, ce sont assez fait entendre, quand ils ont