[retour à un affichage normal]

Accueil > recherche > Affichage d'une occurrence en contexte

Mazarinade n° B_5_19

Image de la page

Anonyme [1652], LE VERITABLE MANIFESTE DE LA FRANCE, A SON ALTESSE ROYALE ET A MESSIEVRS DV PARLEMENT, SVR LES DESORDRES DES GENS DE GVERRES. , françaisRéférence RIM : M0_3941. Cote locale : B_5_19.


publié hautement ; vrbs præuallet orbique c’estoit vn
prodige & vne merueille de la nature, par le moyen de
laquelle nos Rois peuuent ameilleur titre se dire Monarque,
que non pas les Assiriens, les Medes les Perses, les
Grecs & les Romains, puis qu’elle est capable de leur
ouurir le chemin de la conqueste de l’vniuers.
 
Mais ce qui est admirable, elle ne veut point faire cognoistre
sa force & sa puissance que pour le seruice de
son Prince & de sa patrie, & quoy qu’il puisse arriuer,
elle veut demeurer ferme & constante dans le deuoir &
l’obeïssance qu’elle doit à son Souuerain. C’est la toute
l’ambition de Messieurs du Parlement : ils detestent &
condamne toutes les vsurpations, soit qu’elles ayent esté
heureuses, soit que le succez en ait esté funeste, ils ont
mesme en horreur l’establissement de la Republique
Romaine, qui n’a pas commancé si heureusemẽt qu’eux :
Comme aussi les Suisses qui ne se sont pas liguez auec
tant dauantage, & mesme les Estats de Hollande & les
Parlementaires d’Angleterre qui n’ont pas agy auec tant
de force ny auec vne conduite pareille à la leur. Ils ne
trauaillent que pour soustenir la grandeur & la dignité
de cette Couronne, & pour rendre eternelle la Monarchie
Françoise, qui est si bien establie, qu’à vray dire elle
ne peut perir que par elle mesme & par la diuision du
peuple.
Grand Prince, agissez donc Noblement de toute vostre
force, comme ie vous en conjure, par les cris les larmes
& le sang d’vne infinité de miserables, & faites en
sorte qu’il arriue la mesme chose aux François qu’il arriua
autresfois aux Espagnols : Ils estoient diuisez & auoient