[retour à un affichage normal]

Accueil > recherche > Affichage d'une occurrence en contexte

Mazarinade n° B_16_44

Image de la page

Anonyme [1652], LES ASSEVRANCES DONNÉES PAR LE ROY POVR LA PAIX. Sur la Harangue faite à leurs Majestez par MONSEIGNEVR LE CARDINAL DE RETZ. Seruant d’Apologie contre la Médisance. , françaisRéférence RIM : M0_428. Cote locale : B_16_44.


portant l’exclusion, qu’il auoit fait extorquer de
sa Saincteté par faueur, sans luy permettre de
partir que le Courrier de son Altesse de Toscane,
apportant la nouuelle de sa promotion, ne
fust arriué & gaigné le deuant pour venir en
France.
 
Cela estant, qui sera celuy qui se voudra persuader
que le Cardinal Mazarin n’ayant pû empescher
cette promotion ait pû obliger Monseigneur
le Cardinal de Rets, & le courtiser, &
à se sousmettre à ses loix, cela heurte le sens cõmun,
& suffit pour n’en parler dauantage contre
cette calomnie que s’il a tesmoigné à leurs Majestez,
qu’en toutes occasions il suiuroit les ordres
qui luy seront donnez de leur part auec iustice
& raison : quel blasme y a-il en vn Cardinal
François de sousmettre ses seruices à son
Souuerain, & de ne se porter aux conseils violens
qui vont contre l’Estat, & le repos des peuples :
ce qu’il a tousiours euité & l’a assez fait cognoistre
par la Harangue qu’il fit il y a quelques
semaines au Roy à Compiegne, & dont
quantité de Messieurs du Clergé, de Docteurs,
& de Pasteurs de Paris qui l’assistoient, rendrõt
tesmoignage du zele & de l’ardeur auec le quel
il conjura leurs Majestez à donner la paix à leurs
peuples, & supplia tres-humblement le Roy de