[retour à un affichage normal]

Accueil > recherche > Affichage d'une occurrence en contexte

Mazarinade n° B_16_50

Image de la page

Anonyme [1652], LES DERNIERES RESOLVTIONS FAITES, DANS LE CONSEIL DV ROY Pour la paix, en presence de Sa Majesté. , françaisRéférence RIM : M0_1043. Cote locale : B_16_50.



Cette iudicieuse resolution du Roy prononcée
auec vne vigueur & presseance desprit incomparable,
estonna fort ceux dont l’auis enclinoit à prolonger
la guerre, & la fermeté auec laquelle S. M.
persista dans le dessein de donner satisfaction à
Messieurs les Deputez de la paix à son peuple,
fut cause que la pluspart du Conseille suiuit, &
mesme le Chancelier iugeant bien qu’il ne gaigneroit
rien d’alleguer raisons, au contraire, supplia
Sa Majesté, qu’en cas qu’elle ne le trouuast
necessaire en ses Conseils, de luy assigner tel lieu
de retraite qu’il luy plairoit, & qu’il aimeroit mieux
se retirer que d’empescher la conclusion d’vn
traité de paix, puis que Sa Majesté le trouuoit vtile
pour le repos de ses Sujets, à quoy le Roy repliqua,
que sa presence ne seroit peut estre pas
incompatible auec la paix de son Royaume, &
que pour resoudre sur le tout, il falloit attendre
l’arriuée desdits sieurs Deputez, auec lesquels il
faudroit faire en sorte que le traité ne fit aucun
mécontent.
Lesdits sieurs Deputez de la Maison de Ville,
doiuent arriuer Mercredy prochain, pour rendre
response à son Altesse Royale, lesquelles suiuant
toutes les apparences se termineront à vn bon accommodement
& à vne paix, de laquelle apres
cette genereuse resolution du Roy, nous auons les
meilleures obligations à son Altesse Royale, &
Messieurs les Princes.

FIN.