[retour à un affichage normal]

Mazarinade n° C_7_66

Image de la page

Anonyme [1649], LES EMBLEMES POLITIQVES PRESENTÉ A SON EMINENCE. , françaisRéférence RIM : M0_1212. Cote locale : C_7_66.

de mes Compagnons, mais au moins ie puis dire
que ie n’ay point la lâcheté de ceux qui vous corrompent
l’esprit, & qui vous deguisent des choses que vous
ne deués point ignorer si vous ne voulés vous perdre,
ne doutés pas que ie ne puisse vous rendre quelque seruice,
souuenés vous que le Lyon de la fable tombe
dans les filets des Chasleurs, eut besoing des d’ents du
Rat qui rongant les nœuds du cordage luy rendit la liberté
qu’il auoit perduë, il est vray pour ne rien vous
deguiser que vous estes en tres mauuaise posture, quelques
apuis qu’vn Ministre d’Estat puisse auoir quand
il est hay par les peuples qui croient estre outragé, il
est bien difficile de ce tenir debout au bord d’vn tel
precipice, vous sçauez ce que dit l’embleme, furor est
patientia læsa, il en est deux comme de ceux qui se
noient, & leur rage faict des armes de tout ce qui se
presente Ie ne vois point de Citadelles, ny de places
Fortes ou vn Ministre d’Estat puisse estre en seureré
quand il n’est pas logé dans le cœur des peuples, &
pour moy ie pense que c’est la qu’on se doit loger,
premierement pour n’auoir rien à craindre prenés garde
que ceux qui semblent s’atacher à vos volontés
dont vous faict vostre bouclier, & vostre espée, ny
sont attachés que par les richesses que vous leur promettés
& aussi tost qu’ils n’auront pas tout ce qu’ils en
esperent ils cesseront de vous proteger, & puis ne sçauez