Mazarinade n° B_9_32
Image de la page
Anonyme [1652], LES ENTRETIENS DE S. MAIGRIN ET DE MANZINI, AVX CHAMPS ELISIENS. Et l’arriuée du Duc de Nemours au mesme lieu, Auec la description de l’appartement qu’on prepare à Mazarin dans les Enfers. , français, latinRéférence RIM : M0_1251. Cote locale : B_9_32.
charitables, ou l’auertir des perils qui le menassent,
ou d’en escrire, comme ie fais, le rencontre aux
Champs Elisiens auec l’ombre de quelqu’vn de ses
amis ou ennemis, qui depuis sa mort a pris le chemin
de l’autre monde comme luy. Ainsi Biron, le
Marquis d’Ancre, Chalais, de Luynes le Connestable,
Bouquinguant l’Anglois, le Cardinal de Richelieu
mesme, & plusieurs autres ont fait de tristes
lamentations apres leur mort, témoignans qu’ils
eussent bien voulu reuenir en vie, quand ils n’auroient
deu estre que cuistres ou palefreniers, mais
point de nouuelles, la regle y est mise pour tout le
monde,
Nouies Styx interfusa coercet ?
Et l’on sçait que veritablement,
Noctes atque dies patet atri ianua ditis,
Sed reuocare gradum superasque reuertere ad oras,
Hoc opus, hic labor est.
En effet il leur semble qu’il ne faut que se baisser &
en prendre, ils vont au combat comme aux nopces,
ou se meslent d’affaires épineuses, qui leur abregent
la vie de moitié, & ne songent pas que qui est mort
est mort, qu’on est plus de dix mille ans, sans entendre,
comme on dit, les escargots bruire, & que
Salomon ne révoit pas quand il dist, Melior est canis
viuens Leone mortuo, ny Seneque, lors qu’il mist ce
discours en auant. Nemo ad id sero venit, vnde nunquam
cum semel venit potuit reuerti. C’est pour dire
qu’il ne faut point tant faire les eschaufez, & qu’il
n’est rien de tel, lors que l’orage se passe en cette contrée
Image de la page