[retour à un affichage normal]

Accueil > recherche > Affichage d'une occurrence en contexte

Mazarinade n° C_6_39

Image de la page

Anonyme [1649], LES INSIGNES OBLIGATIONS QVE LES ROYS DE FRANCE ET LEVRS COVRONNES ONT TOVSIOVRS EV AV PARLEMENT DE PARIS. , françaisRéférence RIM : M0_1705. Cote locale : C_6_39.


LES INSIGNES OBLIGATIONS
que les Roys de France & leurs Couronnes ont toûjours
eu au Parlement de Paris.

Plusieurs parlent du Parlement qui ne sçauent
pas ce qu’ils en disent, & qui n’ont iamais sceu
ny l’origine, ny l’excellence, ny l’establissement
de cet Auguste Senat. Nous remarquons dans
les Histoires des siecles passez, aussi bien que dans
les Annales des Royaumes, qui ont fleury auant la
Monarchie Françoise, que les Princes qui les gouuernoient
auoient tousiours aupres de leurs personnes
des Conseillers qui connoissoient des affaires de
leur Estat, qui prenoient le soin de l’Empire, qui deliberoient
de la Paix ou de la guerre, & sans l’aduis
desquels leurs Majestez n’osoient mesme rien resoudre,
ny entreprendre. Herodote qui a escrit de
l’Empire des Grecs l’vn des plus florissant & plus
ancien Royaume du monde, rapporte qu’il y auoit
vingt personnes des plus sages, & des plus vertueuses
de toute l’estenduë du mesme Royaume, qui
estoient esleuës par les voix & les suffrages des peuples
pour accompagner le Roy en toutes ses entreprises,
& luy donner conseil sur les incidens qui suruenoient
dans les affaires les plus importantes du
Royaume, ils auoient en outre la direction de la Iustice
aussi bien que de l’Estat, & le Roy n’eut pas entrepris
de faire mourir vn criminel ou luy sauuer la