[retour à un affichage normal]

Accueil > recherche > Affichage d'une occurrence en contexte

Mazarinade n° C_12_9

Image de la page

Anonyme [1652], LES LAMENTATIONS MAZARINES. , français, latinRéférence RIM : M0_1801. Cote locale : C_12_9.


teste est cheutte : nostre authorité, & nos finances
vont à vau-leau. Malheur sur nous qui auons manqué
nostre coup, & n’auons pas assez tost poursuiui
celuy lequel a maintenant des forces plus qu’il n’en
faut pour nous destruire.
 
13. Propterea languet cor nostrum & obtenebrati sunt oculi.
13. A cause de tous ces maux que nous souffrons
nous sommes bien tristes quoy que nous ayons plus
de courage ou de volonté à faire du mal que de forces
pour executer nos desseins qui nous reüsissent si
mal qu’on peut dire que nostre Politique est borgne
ou du tout aueugle.
14. Tu autem Domine in aternum manes, solium tuum
in generationem.
14. En tout cas Sire vous ne pouuez rien perdre &
prenant nostre party vous pouuez beaucoup gaigner
on n’abbettra point vostre trone quand mesme la
victoire iroit du costé des ennemis, & si elle se range
du nostre tout ce qu’il y a de beau & de bon dans le
Royaume sera à nous.
15. Quare in æternum obliuisceris nobis, derelinqueres nos
quamdiu erunt longa tempora.
15. Nous auons toutte nostre confiance en vous Sire,
car si vous n’estiez nostre protecteur, & que la Iustice
nous fit mettre la main au collet nous serions
perdus, mais vous ne nous abandonnerez iamais sinon
que vous ne puissiez plus nous retenir.
16. Conuerte nos Domine ad te & conuertemur, renoua
dies nostros sicut in diebus antiquis.