[retour à un affichage normal]

Accueil > recherche > Affichage d'une occurrence en contexte

Mazarinade n° C_12_11

Image de la page

Anonyme [1652], LES LETTRES DE MONSEIGNEVR LE PRINCE A SON ALTESSE ROYALLE. ET A MESSIEVRS DV PARLEMENT, ENSEMBLE LA REQVESTE DE MONSEIGNEVR LE PRINCE ENVOYÉE AV PARLEMENT. , françaisRéférence RIM : M0_2271. Cote locale : C_12_11.


le lendemain dans le Conseil de sa
Majesté, le reffus de trois jours fait à
son Altesse Royalle, pour paruenir à vn accommodement :
les negotiations, & le negoce
continuel, la precipitation, & l’empressement
pour la veriffication, & la Declaration,
contre le suppliant, & ceux qui
l’on suiuy, & tout ce qui s’est passé depuis
la sortie du Roy de Paris, ont bien fait connoistre,
à vn chacun que la resolution estoit
prise de sacrifier tout au retour du Cardinal
Mazarin, qu’il n’y auoit aucune seureté pour
le suppliant, que les Declarations du Roy
n’estoient que des pieges & qu’à present
il seroit opprimé ; Et cét ennemy public,
en estat peut-estre de trouuer peu de resistance
à son restablissement ; s’il n’eut opposé
des forces à celles qu’il a fait venir de
tous costez, & qu’il emmeine en personne,
& toutesfois, il a eu l’addresse abusant du
nom du Roy, & du zele que vous auez pour
la conseruation de l’autorité Royalle, de
faire passer vne Declaration contre le suppliant,
& condamner des armes qui n’ont
esté prises qu’aprez y auoir esté poussé, &
reduit aux dernieres extremitez, & qu’il
proteste de n’employer que pour le seruice