[retour à un affichage normal]

Mazarinade n° C_3_103

Image de la page

Anonyme [1649], LES LVNETTES A TOVTES AGES, POVR FAIRE VOIR CLAIR aux Ennemis de l’Estat. , françaisRéférence RIM : M0_2335. Cote locale : C_3_103.

nostre admiration, s’accroit quand nous voyons deux
illustres Princes du Sang, empoisonnez de mesme erreur :
mais c’est la faute que nous faisons, de ne pas discerner
que ces deux Princes ont trop de cœur, pour
souffrir qu’on die qu’ils ayent suiuy le Cardinal, comme
trop de zele d’auoir accompagné sa Maiesté dans
l’enleuement qui s’en est fait, & trop de fidelité de ne
l’auoir pas tirée des mains de ceux qu’ils en croyoient
les legitimes depositaires, & qui n’en sont que les
injustes possesseurs. Pour ce qui regarde la haine,
ie dis que sa Majesté n’a pas encore conneu la
fatalité du present qui nous fut fait de ce meschant
Ministre, par vn autre qui ne valloit gueres mieux, &
qu’il est probable, que si la misere des François, les cris
& les gemissemens du peuple pouuoient toucher les
aureilles de cette Princesse vertueuse, elles luy toucheroiẽt
en mesme tẽps le cœur. C’est de quoy il faut prier
Dieu qu’il luy vueille rendre la veuë, pour abhorrer ce
loup desguisé qui luy fut recõmandé par le feu Roy son
espoux de tres-heureuse memoire, lors qu’il estoit dans
le dernier point de son agonie, priué presque de toute
connoissance ; Recommandation que nous ne sçaurions
nier pour sa derniere volonté, puis que ce grand
b/> Monarque ne donna plus aucun signe de vie, si tost
qu’il nous eust donné celuy de nostre mort, auec cét
insolent ministre. Nous sçauons le respect que nous
deuons à la memoire de Louïs XIII. qui n’entẽdoit pas
à sa mort ruïner vn Estat, qu’il auoit tant pris de peine
d’agrandir toute sa vie. Aussi est-ce cette derniere intention
qu’il eut de le cõseruer florissant, que nous deuons