[retour à un affichage normal]

Mazarinade n° A_5_26

Image de la page

Anonyme [1649], LES LVNETTES A TOVTES AGES, POVR FAIRE VOIR CLAIR aux Ennemis de l’Estat. , françaisRéférence RIM : M0_2335. Cote locale : A_5_26.

proportions, simmetries, hauteurs, largeurs, profondités,
quantitez & qualitez des objets, comme celles
qui sont taillées à plusieurs faces, accommodées ensorte
qu’il y ait plusieurs angles, & que ces angles se
terminent au milieu, afin qu’ils conuiennent à la prunelle
des yeux & à la faculté visuelle, à ce que le regard
se diuise, & ne puisse contempler vne chose vraye,
ny en l’estat qu’elle est : Ces Lunettes ainsi façonnées,
font voir à ceux qui s’en seruent, pour regarder quelqu’vn
au visage, autant d’yeux qu’en auoit Argus, s’ils
regardent le nez, autant de nez que d’yeux, & ainsi des
autres parties du corps, bref tout objet leur paroistra
monstrueux & multiplié. Ceux qui se promettent de
prendre Paris, parce que peut-estre ils ont leu dans
l’Almanach, prise de Ville esmerueillable, auroient
besoin de nous enuoyer de telles Lunettes, pour nous
faire croire, que pour deux ou trois Regimẽs ils en ont
cinquante, & pour cinq cens hommes, vingt mille : Ils
auroient aussi vn tres-grand auantage, si leurs Soldats
vouloient receuoir leur paye auec ces Lunettes, &
pour vne espece de monnoye en creussent receuoir
cent, & qu’ainsi plusieurs Soldats fussent quelquefois
deuant leurs yeux, & iamais dans leurs mains. Ces Lunettes
que ie mets en vsage, ne sont deceptiues ny frauduleuses
comme les autres : Par le moyen d’icelle ie
veux faire à l’endroit de nos Ennemis, ce que la commune
Baleine fait à la grosse quand elle perd la veuë
par la pesanteur des sourcils qui la luy couurent : L’on
dit que cette Baleine commune va deuant, pour monstrer
à l’autre les chemins asseurez, luy seruant ainsi