[retour à un affichage normal]

Accueil > recherche > Affichage d'une occurrence en contexte

Mazarinade n° B_9_7

Image de la page

Anonyme [1650], EXECVTION REMARQVABLE, De trois meschants scelerats qui ont esté rompus à la Croix du Tiroir, pour auoir tué & assassiné les Gentils-hommes de Monseigneur le Duc de Beaufort croyans s’attaquer à sa personne si cherie de touts les François. , françaisRéférence RIM : M0_1325. Cote locale : B_9_7.


estre rompus, à la Croix du Tiroir, qui a
esté lieu de leur supplice, & proche de celuy
où ils ont faict le meurtre ; puis ils ont esté conduits
au lieu de leur supplice, pour receuoir telle
mort qu’a merité leur vie. Iceux furent accompagnez
de tres-doctes & sages Confesseurs, qui
ont faict tout ce que la charité Chrestienne, &
l’obligation de leur charge les portoit, pour
ayder à faire le salut de ces pauures ames, & faire
mourir ces hommes en bons Chrestiens, à quoy
ils ont obey : car ils ont faict vne tres-bonne fin,
confessans meriter mille fois plus de tourmens
qu’ils n’en auoient à souffrir : Et demanderent
auec tres-grand regret pardon à Dieu, au Roy, à
la Iustice, & à Monseigneur de Beaufort, tesmoignans
estre touchez d’vn tres-vif ressentiment,
d’auoir faict vn tel carnage aux Gens d’vn si bon
Prince, pour qui chacun a vne tres grande affection,
aduoüant qu’ils eussent faict le plus
grãd malheur de tous les malheurs, s’ils auoient
tué Monseigneur de Beaufort ; Et disoient ne
pouuoir reparer leur faute que par le repentir :
Et ils en demandoient tres-humblement pardon
à Dieu, le prians d’effacer leurs pechez, par
les merites de son Sang, & aussi à la tres-Saincte
Vierge sa Mere, à laquelle ils s’estoient recommandez.
Bref, ils sont morts dans vne tres-grande
apparence de Salut, proferans iusques au
dernier souspir le Sacré Nom de Iesus, prians