[retour à un affichage normal]

Accueil > recherche > Affichage d'une occurrence en contexte

Mazarinade n° B_9_7

Image de la page

Anonyme [1650], EXECVTION REMARQVABLE, De trois meschants scelerats qui ont esté rompus à la Croix du Tiroir, pour auoir tué & assassiné les Gentils-hommes de Monseigneur le Duc de Beaufort croyans s’attaquer à sa personne si cherie de touts les François. , françaisRéférence RIM : M0_1325. Cote locale : B_9_7.


d’honneur de sa suite : lesquels furent attaquez
par ces scelerats, qui rencontrans le Carrosse de
leur Maistre, à vn soit, dans la ruë S. Honnoré,
qui fut ie vingt neufiesme d’Octobre. Lors,
ces meschans hommes, mais plustost lyons enragez,
& acharnez sur des innocentes brebis,
tirerent viuement & furieusement des coups de
pistolets & de fusils, pensans oster la vie à vne
personne, dont la mort eut esté pleurée auec des
larmes de sang ; Mais le Ciel reserua ce Prince
pour faire vne plus glorieuse & heureuse mort,
apres vne si chrestienne vie, l’exemple duquel
est vn vray modelle de vertus : Enfin donc, par
vn grand bon-heur pour luy & pour nous, il
n’estoit pas dans son Carrosse, lors qu’il fut si
cruellement attaqué ; Ce fut vne furieuse allarme
que ses gens receurent, se voyans traictez si impitoyablement,
& enuironnez de ceste trouppe
de satellites, qui tiroient sur eux de tres furieux
coups, dont le premier Gentil-homme d’honneur
de Monseigneur le Duc de Beaufort fut
tué, les autres bien blessez, le Cocher rudement
battu & molesté : Bref, ces mauuaises nouuelles
furent annoncées à Monseigneur le Duc de
Beaufort par luy, qui le fut trouuer dans l’Hostel
de Montbazon, où ce bon Seigneur ne songeoit
à rien moins qu’à vn si cruel desastre commis
enuers ses gens, & que ses ennemis pensoient
commettre enuers luy-mesme ; Ie laisse à penser